Show Posts

This section allows you to view all posts made by this member. Note that you can only see posts made in areas you currently have access to.


Messages - Gurupriya

Pages: 1 ... 131 132 [133] 134 135 ... 157
1981
Request for prayers / Re: jai sai master!srigurugeeta
« on: December 01, 2012, 08:19:24 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె వందనం !

శ్రీ గురు గీత :

శ్లో ||1.అచింత్యా వ్యక్త రూపాయ నిర్గుణాయ  గుణాత్మనే  |
         సమస్త జగదాధారా మూర్తయే బ్రహ్మణే  నమః ||

   నామరూప గుణ రహితుడగుట  వలన చింతింప నలవికానివాడు ,రూపము వ్యక్తము కానివాడు ,నిర్గుణుడయ్యి గుణములన్నీ  తానే  అయినవాడు ,త్రిగుణములు  తానే  అగుట వలన త్రిగుణముల చేత చేయబడిన సమస్త జగత్తునకు అధారమైనట్టి  బ్రహ్మకు  నమస్కారము (అనగా పరబ్రహ్మ స్వరూపుడైన గురునకు నమస్కారము ).

శ్రీ విష్ణు సహస్రనామ స్తోత్రము -భాష్యము

611 .శ్రీకరః
శ్రీ మహా విష్ణువు లోక కళ్యాణార్ధం ఏ  అవతారం  ధరించినా లక్ష్మి తన వెన్నంటి ఉండునట్లుగా మలుచుకొను శక్తి ,యుక్తిశాలి .
1 )శ్రీమహావిష్ణువు ----లక్ష్మీ దేవి
2 )శ్రీ రాముడు ----సీతాదేవి
3 )శ్రీ కృష్ణుడు ---రుక్మిణి ,ఇలా ఏ అవతారము నందయినా లక్ష్మి వెన్నంటి ఉండువాడు .

612 .శ్రేయః
ఎన్నడు దూరము కాని సుఖము  పరమ పదము దానిని ప్రసాదించువాడు శ్రీమన్నారాయణుడు,  నిత్యానందమైన  పరబ్రహ్మ  సామరస్యమై  సకల జీవులకు శ్రేయమైనది ,దానిని ప్రసాదించువాడు .

613 .శ్రీమాన్
సకల ఐశ్వర్య సంపనుడైన  శ్రీమహావిష్ణువు  చతుర్విధపురుషార్ధములు  సిద్ధించుటకు  శ్రీతో కూడి ఉంటాడు ,అందుకే శ్రీమాన్ అని చెప్పబడుచున్నాడు ,శ్రీకి  జ్ఞానము శుభము అని కూడా అర్ధములు కలవు .

614 .లోకత్రయాశ్రయః
సర్వలోకములకు రక్షకుడు  శ్రీమహావిష్ణువు ,అతడే ఏ యుగము నందయినా  లోకములను రక్షించువాడు ,లోకమందు  ధర్మం  నశించినపుడు  అధర్మం  ప్రజ్వరిల్లి  సాధు  సజ్జనులు  హింసించ  బడినపుడు ధర్మ సంస్దాపనకు పరమాత్ముడు  అనేకరూపాలు ధరిస్తాడు ,శ్రీమహావిష్ణువు  లోక కల్యాణం  కోసమే దశావతారములు  ధరించాడు .

శ్రీ వేమన పద్య సారామృతము

శ్లో || ఆశలనెడు త్రాళ్ళ నమర గోయగ  జేసి
       పారవైన గాని పరము లేదు
       కొక్కు తిండి నక్కచిక్కి చచ్చిన యట్లు
       విశ్వదాభిరామ వినుర వేమ !

తా :- ఆశలను  త్రాణ్ణి  కోసేసి దూరంగా వర్జించిన తరువాతే పరం సంగతి ,మనిషి ఆశలనే బోనులో  చిక్కి పందికొక్కు తిండిమీద ఉన్న కోరికతో  వెళ్లి బోనులో చిక్కుకుని చచ్చిన విధంగా నాశనం అవుతున్నాడు .

అలివేలు మంగ పతి నీకిదె వందనం !
జై సాయి మాస్టర్ !
[/13size]

1982
Request for prayers / Re: jai sai master!srigurugeeta
« on: November 30, 2012, 09:09:27 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె వందనం !

శ్రీ గురుగీత :

శ్లో ||27 .  దృశ్య  విస్మృతి పర్యంతం కుర్యాద్గురుపదార్చనం |
              తాదృశ స్యైవ కైవల్యం సచతద్వ్యతిరేకణ: |

శ్రీ విష్ణు సహస్ర నామ స్తోత్రం -భాష్యము

శ్లో || శ్రీదః  శ్రీశః  శ్రీనివాసః శ్రీనిధి: శ్రీవిభావనః 
       శ్రీధరః శ్రీకరః  శ్రేయః శ్రీమాన్ లోకత్రయాశ్రయః ||

605 .శ్రీదః
శ్రీలక్ష్మీ అనగా ఐశ్వర్య ప్రదాయిని కనుక ఐశ్వర్యమునకు జీవనాధారము అయిన శ్రీ మహా విష్ణువు  తన భక్తులకు సిరి సంపదలను ప్రసాదించునట్టివాడు  .

606 .లక్ష్మీ దేవికి లక్ష్మీ తత్వమును కలుగ జేసినవాడు ,కనుక అతడే లక్ష్మీకి ప్రభువు ,సృష్టి నందు  సమస్త శక్తులను ఆయా శక్తులను రూపాలను ఇచ్చిన పరమాత్ముడే  అన్నిటికి ప్రభువు .

607 .శ్రీనివాసః
శ్రీ అన్న శబ్దమునకు లక్ష్మీ ,శుభము ,ఐశ్వర్యము ,జ్ఞానము అని అర్ధములు ఉండుట చేత  వాటన్నిటికీ నివాసమైనవాడు ,ఇవన్ని పరమాత్ముడిని  అంటిపెట్టుకు ఉంటాయి ,కనుక తన భక్తులకు ఇవన్ని ప్రసాదించుట చేత  శ్రీ మహా విష్ణువే శ్రీనివాసు డనబడుచున్నాడు .

608 .శ్రీనిధి:
 ముందు నామము నందు  చెప్పబడిన అర్ధములకు  నిధి వంటి వాడు ఆనిధి  అనిర్వయ నిధి మూడు కాలముల నందు తరగనిది .

609 .శ్రీ విభావనః
లక్ష్మీ దేవి వక్షస్ధలమందు నివశించుట చేత ఆమె శ్రీ మహా విష్ణువు యొక్క పత్ని కావుట చేత  ప్రసిద్ధిని పొందినవాడు .

610 .శ్రీధరః
దివ్య మంగళ స్వరూపుడైన శ్రీమహా విష్ణువు శ్రీ లక్ష్మిని ధరించాడు ,సర్వభూత జనని అయిన శ్రీ లక్ష్మిని  తన వక్ష స్ధలమునందు  ధరించి ఆ శ్రీమన్నారాయణుడు  వర్ధిల్లుతున్నాడు .

శ్రీ వేమన పద్యసారామృతము :

శ్లో ||తిట్టి కొట్టి రేని తిరిగి మారాడక
      నూరకున్న జూడ నుర్వి మీద ,
      వాడగు పరమాత్మ వర్ణింప శక్యమా ?
      విశ్వదాభిరామ వినుర వేమ !

తా :-తనను తిట్టినా కొట్టినా ,తనను గురించి మనుచున్నా పట్టించుకోక నిశ్చలంగా  పరమాత్మ యందు  దృష్టిని  నిలిపినవాడే  తత్వయోగి అగును .

అలివేలు మంగ పతి నీకిదె వందనం !
జై సాయి మాస్టర్ !
[/13size]

1983
Request for prayers / Re: jai sai master!srigurugeeta
« on: November 29, 2012, 08:32:16 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె వందనం !

శ్రీ గురుగీత :

శ్లో ||26 .అత్రినేత్ర శ్శివ  సాక్షాద్విభాహుశ్చహరి: స్మృతః |
           యో చతుర్వదనో బ్రహ్మశ్రీ గురు: కధితః ప్రియే  ||

శ్రీ విష్ణు సహస్ర నామస్తోత్రం -భాష్యము

601 .శ్రివత్సవక్షా:
శ్రివత్సము అనగా శుభములనిచ్చు  లక్ష్మీదేవి ,అది మూల ప్రకృతి  యొక్క శబ్ద చిహ్నము ,అటువంటి దానిని  శ్రీ మహా విష్ణువు  తన వక్షస్ధలము నందు ధరించి ఉన్నాడు ,కనుక శ్రీ వత్సవక్షా  అనబడుచున్నాడు ,లక్ష్మీదేవిని వక్షస్ధలము  నందు ఉండినవాడే  శ్రీ మహా విష్ణువు  అతని హృదయమునందే  మూల ప్రకృతి  ఉన్నది .

602 .శ్రీవాసః
శ్రీ మహా విష్ణువు  ఐశ్వర్య సంపన్నుడు  ఐశ్వర్య ప్రదాయిని అగు లక్ష్మీ దేవిని వక్ష స్ధలము నందు  ధరించి  ఆమెకి నివాస స్దానమైనాడు .

603 .శ్రీపతి:
 శ్రీ అనగా లక్ష్మీ ....శుభము ...అను అర్ధములు కలవు .సకల శుభము కల్గించువాడు ,శ్రీపతి అతడే లక్ష్మీ దేవి చేత వరించబడినవాడు ,సకల లోకములను  సృజించినవాడు  అగుట చేత శ్రీ మహా విష్ణువు శ్రీపతి అనబడుచున్నాడు .

604 .శ్రీమతాంవరః
లక్ష్మీదేవిని  భార్యగా పొందుట చేత  శ్రిమంతులలో  అతడే శ్రేష్టుడు ,సకల సద్గుణములను  ఐశ్వర్యముగా  కలిగి ఉన్నవాడు అయిన శ్రీ మహా విష్ణువు  లక్ష్మీ దేవి చేత వరింప బడుటచే  సకల ఐశ్వర్యములకు  అతడు అధిపతి అయ్యాడు ,అందుచేత అతడు శ్రిమంతులలో  శ్రేష్టుడన బడుచున్నాడు .

శ్రీ వేమన పద్య సారామృతము

శ్లో ||తిరిగి తిరిగి నరుడు మరలు కొనుటెగాక
నందువలన నేమి యానలేదు ;
అంతరాత్మ నిలుపు నతడె  పో బ్రహ్మంబు
విశ్వదాభిరామ వినుర వేమ !

తా :-మనస్సు నిలపాలనీ ఎంత తిరిగినా మనస్సుకి నచ్చేది ఏమీ లేదు ,తన మనసును కట్టి ఆత్మను గురించి  యోచించినపుడే  బ్రహ్మ సాక్షాత్కారం కలుగుతుంది .

అలివేలు మంగ పతి నీకిదె వందనం !
జై సాయి మాస్టర్!
[/13size]

1984
Request for prayers / Re: jai sai master!srigurugeeta
« on: November 28, 2012, 08:27:32 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి  నీకిదె వందనం !

శ్రీ గురుగీత :
శ్లో ||25 .మధులుద్భో యధా భ్రుంగో  పుష్పాత్  పుష్పాంతరం వ్రజేత్ |
           జ్ఞానలుబ్ధస్తధా  శిష్యో గురో గ్గుర్వంతరం  వ్రజేత్ ||

శ్రీ విష్ణు సహస్ర నామ స్తోత్రం -భాష్యము

శ్లో || అనివర్తీ నివృతాత్మా  సంక్షేప్తా క్షేమకృచ్ఛివః
       శ్రీవత్సవక్షాః  శ్రీవాసః శ్రీపతి: శ్రీమతాంవరః ||

596 .అనివర్తీ:
ధర్మ స్వరూపుడైన శ్రీ మన్నారాయణుడు  సకల ధర్మాలను ఉద్ధరిస్తాడు ,ఆ ధర్మ మార్గమును  ప్రవర్తించమని  సూచిస్తాడు ,పుణ్య కర్మలు ఆచరించి  ధర్మ మార్గాన  పయనించువారు  ,మరణానంతరము   దూమ్రమార్గములో  పితృ లోకాలవలములను అనుభవించి  తిరిగి ఉత్తర జన్మల నందు  ఉత్తమ యోనుల యందు పుట్టిస్తాడు .
 ఈ క్రమంలో  జీవుల యొక్క కర్మలు క్షయం అయినాక వాటికి పునర్జన్మలు  లేనటువంటి  ముక్తిని ప్రసాదిస్తాడు ,ఇదంతా కర్మ చక్రంలో  ధర్మముతో ప్రవర్తించువారు ,ఈ చక్ర బ్రమణం  నుండి త్వరగా బయట పడతారు ;

597 .నివృత్తాత్మా
నివృత్తి ధర్మము లనగా అర్చన ....జప ...తప ...ధ్యాన ....యజ్ఞముల వంటి బాహిక కర్మలకు  బేధమైనది .ఇందులో పరమాత్మ స్వరూప జ్ఞానము కలుగుతుంది .
 పరమాత్మ ఎవ్వడో ...ఎక్కడుంటాడో  తెలియబడుతుంది ,తద్వారా ఉత్తర జన్మలు లేనటువంటి ముక్తిని పొందుతాడు ,అలా ముక్తిని పొందిన ఆత్మలను పరమేశ్వరుడు  కలిగి ఉన్నాడు ,పరబ్రహ్మ మందు సామస్యం పొందిన ఆత్మలను  పరమేశ్వరుడు  కలిగి ఉన్నాడు ,పరబ్రహ్మ మందు సామరస్యం పొందిన నివృత్తాత్మలు  కలవాడు .


598 .సంక్షేప్తా
ప్రళయ కాల మందు  ఈ సమస్త జగత్తును లయం చేసుకొనుట చేత  సంకోచింప చేయువాడు ;

599 .క్షేమ కృత్
సమస్త జీవ రాశుల యొక్క క్షేమములను విచారించుచూ వారు మాయ చేత మోహింప బడకుండా  క్షేమమును  కలిగించువాడు ,నివృత్తి ధర్మమును ఆచరించు  వారిని పరమ పదమును చేర్చువాడు .

600 .శివః
శివః అంటే మంగళ కరుడని  అర్ధం ....పరమాత్ముడు దివ్య మంగళ స్వరూపుడు  సకల భోగములందు  మోక్షముల యందు తాపత్రయమును కలవారికి శుభములను కల్గించువాడు .
తనను ఏ విధంగా అర్చించారన్నది  ముఖ్యం కాదు ,ఫలం ,పుష్పం ,పత్రం ,జాలం ఇలా ఏ  విధమైనవి భక్తితో సమర్పించినా  వాటిని స్వీకరించి వారి వారి కోరికలు తీర్చువాడు ,పరమేశ్వరుడు  శివాత్మక  స్వరూపుడు  కనుకనే ఆయనను అర్చించి  రాక్షసాది  గణములు  కూడా వరములు పొందారు .

శ్రీ వేమన పద్యసారామృతము

శ్లో ||కానలేడు నుదురు కర్ణముల్  వీపును
      నెరులు గాన లేడు  నెత్తిమీద ,
      తన్ను గానలేడు  తత్వ మేమెరుగును ?
      విశ్వదాభిరామ వినుర వేమ !

తా :- తన ముఖమూ ,చెవులూ ,వీపూ ,తలా ,తలమీద నున్న రోమాలు మనిషి చూడలేడు ,తనను తానే  చూసుకోలేడు ,అలాంటప్పుడు తనలో తత్వాన్ని ఎలా తెలుసుకోగలుగుతాడు ?

అలివేలు మంగ పతి నీకిదె వందనం !
జై సాయి మాస్టర్ ![/13size]

1985
Request for prayers / Re: jai sai master!srigurugeeta
« on: November 27, 2012, 08:02:53 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె  వందనం !

శ్రీ గురు గీత :

శ్లో ||24 .గురు మధ్యే స్ధితం  విశ్వం విశ్వ మధ్యే స్ధితో గురు: |
           గురుర్విశ్వం  నచాన్యోస్తి తస్మైశ్రీ గురవేనమః  ||

శ్రీ విష్ణు సహస్ర నామ స్తోత్రం -భాష్యము

591 .గోహితః
జీవులను దేహముల నందు నియమించినాక వాటికి చరాచర  జగత్తు (ప్రకృతి ) ఆవరణను  కల్పించువాడు ,ఈ ప్రకృతియే  మాయా స్వరూపము దీని ప్రేరణ చేతనే  జీవులు కర్మలను ఆచరిస్తున్నాయి ,ఇంద్రియములు వికారములకు లోనగుచున్నాయి .

592 .గోపతి:
బ్రహ్మాది మొదలగు దేవతలకు  అధికారములను ఆజ్ఞలను ఇచ్చునటువంటి  శ్రీ మహా విష్ణువే ఇంద్రలోకమైన  స్వర్గమునకు నిజమైన  అధిపతి ,శ్రీ మహా విష్ణువును  సేవించుటయే  స్వర్గ మోక్షము సంప్రాప్తిస్తుంది ,భూమిని ధరించినవాడు రక్షించువాడు  కనుక  కూడా గోపతి నామమును పొందినాడు .

593 .గోప్తా
సకల జీవులను రక్షించువాడు ,కర్మ భూమి అయిన మాయా జగత్తు నుండి రక్షించువాడు ,జీవుల యందు మానవుడికి మాత్రమే   పదకొండవ ఇంద్రియమగు  మనస్సు ఉన్నది ,కనుక అతడికి విచక్షణా జ్ఞానమున్నది ,పాప పుణ్యముల బేధము  తెలుస్తుంది ,కర్మ ఫలం పొందుతూ కర్మలు  చేయు వారిని  రక్షించువాడు .

594 .వృషభాక్ష:
వృషభాక్ష అనగా  ధర్మము  నేత్రములుగా కలవాడని అర్ధము ,జీవుల సంసార రధమునకు ధర్మమును  చక్రముగా చేసి తిప్పు  చుంటాడు ,పరమాత్ముడు ధర్మమును  ఉద్దరింప జేయుట చేత భక్తులను తరింప చేయువాడు ,భక్తులపై  అపారమైన  కృపా కటాక్షములను  ప్రసరింప చేయు ఆ పరమేశ్వరుడే  వృషభాక్ష అగుచున్నాడు .

595 .వృషప్రియః
సకల ధర్మముల యందు ఇష్టము కలిగినటువంటి వాడు ,తన భక్తుల మనస్సు నందు భక్తులు కాని వారి మనస్సులనందు  ఉద్దరిస్తాడు ,ధర్మములు రెండు రకములు ప్రవృత్తి - నివృత్తి  ధర్మము
    ప్రవృత్తి  ధర్మ మందు సత్కార్యములు  యజ్ఞము  చేసి లేదా ఏరకంగా భక్తితో ఆరాధించినా  అది పరమాత్ముడిని  చేరుతుంది ,నివృతి  ధర్మమందు  ఆత్మయే  పరమాత్మ అన్నజ్ఞాన  భావన కలిగి పరమ పదము చేరుతాడు ,ఈ రెండు ధర్మముల యందు  పరమాత్ముడు  ప్రియం కలిగి ఉన్నాడు .

శ్రీ వేమన పద్య సారామృతము

శ్లో ||పని తొడవులు వేరు బంగార మొక్కటి
      పరగ ఘటలు వేరు ప్రాణ మొకటి
     యరయ తిండు వేరు యాకలి యొక్కటి
      విశ్వదాభిరామ వినుర వేమ !

తా :- రకరకాల పనులు వేరైనా బంగారం ఒకటే దేహాలు వేరైనా ప్రాణం ఒకటే ,ఆలోచించగా తినే ఆహార పదార్ధాలు వేరైనా  అందరి ఆకలి ఒకటే .

అలివేలు మంగ పతి నీకిదె వందనం !
జై సాయి మాస్టర్ !
[/13size]

1986
Request for prayers / Re: jai sai master!srigurugeeta
« on: November 26, 2012, 08:42:54 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె వందనం !

శ్రీ గురు గీత :

శ్లో ||23 .ఏక ఏవ పరో బన్ధు ర్విషమే సముపస్ధితే  |
           గురు స్సకల  ధర్మాత్మా తస్మైశ్రీ గురవేనమః ||

శ్రీ విష్ణు సహస్ర నామ స్తోత్రం -భాష్యము

శ్లో || శుభాంగః శాన్తిదః స్రష్టా కుముదః కువలేశయః |
       గోహితో గోపతిర్గోప్తా  వృషభాక్షో వృషప్రియః  ||

586 .శుభాంగః
మంగళ ప్రదమైన  అంగములతో దివ్య మంగళ స్వరూపమును కలిగి ఉన్నవాడు .

587 .శాంతిదః
సంసార భావ (జనన మరణాదుల ) సమూహం ఇది మాయా బంధనం ,దీనిచేతనే  జీవులు త్రిగుణములకు కామ క్రోధ మద మాత్సర్యము లకు లోనవుతున్నారు ,ఇంద్రియ నిగ్రహం కోల్పోయి అజ్ఞానాంధకార మందు చరిస్తున్నారు ,భయములచేత ,రోగములచేత  ,దుఃఖముల చేత  పీడింప బడుతున్నారు .ఆత్మ తత్వము  తెలుసుకున్న ముముక్షువు ఆత్మ జ్ఞానముతో  పరమాత్మను  ఎరిగి పరమపదము  పొందుచున్నారు ,త్రికరణ శుద్ధిగా పరమాత్మను  సేవించు భక్తులకు  మాయా బంధనముల  నుండి విముక్తులను  చేసి శాశ్వతమైన శాంతిని ప్రసాదించువాడు .

588 .స్రష్టా
మహా ప్రళయ మందు సమస్త జీవులు తమ తమ కర్మలను మూట కట్టుకొని పరమాత్ముడి  నందు లీనమైపోతాయి ,వాటి కర్మానుసారముగా  పాప పుణ్య ఫలములను  వాటికి ప్రసాదించి కర్మ క్షయం కాని జీవులకు ఉత్తర జన్మలను ప్రసాదిస్తాడు  ,కర్మ ఫలానుసారం ఎనభై నాలుగు కోట్ల జీవ రాశుల యందు ఎదో ఒక  జాతి నందు  ఆ జీవి మరల పుడుతుంది ,పుణ్య పాప ఫలములు సమానంగా కల  జీవులకు కూడా ఉత్తర జన్మను ప్రసాదిస్తాడు ,గత జన్మల పుణ్య కర్మల ఫలితముగా ఉత్తర జన్మ నందు  సకల కోరికలు సంప్రాప్తింప చేస్తాడు ,ఈ విధముగా  మానవుల కర్మలను క్షయం చేసి వారికి ఆ పరమాత్ముడు ఉత్తర జన్మలు కల్పిస్తూ  సృష్టిని  చేయుట చేత స్రష్టా  అని చెప్పతగినవాడు .

589 .కుముదః
తను సృష్టించిన జీవులు మాయ ఆవరణ కలిగినటువంటి ప్రక్రుతి నందు కర్మ ఫలములను అనుభవించుట చూసి  వినోదించేవాడు ,భూమి యందు జీవుల చే  సేవింపబడుతూ సంతోషించేవాడు .

590 .కువలేశయః
స్రష్టా నామము నందు చెప్పినట్లు జీవుల యొక్క కర్మల సారముగా సకల జీవులను  వివిధ దేహముల యందు నియమించువాడు .

591 .గోహితః
జీవులను దేహముల నందు నియమించినాక  వాటికి చరా చర  జగత్తు (ప్రక్రుతి )ఆవరణను  కల్పించువాడు ,ఈ ప్రకృతియే  మాయా స్వరూపము దీని ప్రేరణ చేతనే జీవులు కర్మలను  ఆచరిస్తున్నాయి ,ఇంద్రియములు వికారములకు లోనగుచున్నాయి .

శ్రీ వేమన పద్య సారామృతము

శ్లో ||పనుల వన్నె వేరు పాలేక వర్ణమౌ
పుష్పజాతి వేరు  పూజ యొకటి ;
దర్శనంబు వేరు దైవంబు యొక్కటి
విశ్వదాభిరామ వినుర వేమ !

తా :- ఆవులు ఎన్ని రంగుల్లో  ఉన్నా వాటి పాలరంగు మాత్రం ఒకటే ,ఎన్ని రకాల పూలతో ఆరాధించినా పూజ ఒకటే ,అట్లే సాక్షాత్కరించే  దైవం ఒకటే .

అలివేలు మంగ పతి నీకిదె వందనం !
జై సాయి మాస్టర్!
[/13size]

1987
Request for prayers / Re: jai sai master!srigurugeeta
« on: November 25, 2012, 08:27:52 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె  వందనం !

శ్రీ గురుగీత :

శ్లో ||22 .మన్నాధః  శ్రీ జగన్నాధో  మద్గురు: శ్రీ జగద్గురు: |
          మమాత్మా సర్వ భూతాత్మా తస్మైశ్రీ గురవేనమః ||

శ్రీ విష్ణు సహస్ర నామస్తోత్రం -భాష్యము

582 .శాంతః
శ్రీ మన్నారాయణుడు  నిర్వికారాముడు ,గుణ రహితుడు ,సకల దేవతల యందు ఏవైతే శక్తులు లేవో అటువంటి  అత్యుత్తమమైన శక్తులను  కలిగి ఉన్నటువంటి వాడు ,నిరాకారుడై  నటు వంటి పరమాత్మకు  ఇంద్రియ వికారములు లేకపోవుట చేత నిత్యము  శాంత మూర్తియై  ప్రకాశిస్తుంటాడు .తన భక్తులు తన పట్ల అపరాధము చేసినప్పటికీ  చిరునవ్వుతో సరిదిద్దుతాడు తప్పవారిని  దండించడు ,పరమపవిత్రమైన  నారాయణ మంత్రమును పఠించు  భక్తులకు సకల శాంతులు సమకూర్చుతాడు .

583.నిష్ఠా
పరమాత్మ స్వరూపుడైన శ్రీ మహా విష్ణువు దేశ  కాల మాన పరిచ్ఛేదనముల చేత ఎటువంటి  బేధములను  పొందనటువంటి  స్దిరమైనవాడు .తనను ఆరాధించు భక్తుల మనస్సు నందు నివాసముండు  వాడు ,భక్తుల యొక్క హృదయములచే తనకు స్ధిర నివాసముగా చేసుకున్నవాడు .

584 .శాంతి:
నిశ్చలమైన భక్తితో తనని ధ్యానించు భక్తుల ఇంద్రియముల నందు ఉండు సకల వికారములను శాంతింప చేసి ఆత్మ పరమాత్మల మధ్యన సామరస్యతను  కల్పించి అనుభవేద్యమైన  బ్రహ్మానందమును  సాధకునికి కలుగ జేయువాడు .

585 .పరాయణం .
మోక్ష సాధనకై తన భక్తుల మనస్సుల నందు కల వికారములను  హరింప చేసినవారు ,శాంతిని పొందునట్లు  చేయుట చేత వారిలో పరమ భక్తిని  కలిగించి తనను సేవించునట్లు  చేసి వారికి ఉత్తమ గతులను ప్రసాదించువాడు .

శ్రీ వేమన పద్య సారామృతము :

శ్లో || జనన మరణములకు నర్వి స్వతంత్రుడు గాడు
మొదల  కరగాడు తుదను గాడు
నడమ కర్త ననుట నగు బాటు కాదకో
విశ్వదాభిరామ వినుర వేమ !

తా :- జన మరణాల్లో మనిషికి స్వతంత్రం లేదు ,జనన మరణాల మధ్యలో "ఇది నేను " "ఇది నాది"  అని దేవులాడ్డం చేతకానితనం ,అదే అజ్ఞానం .

అలివేలు  పతి నీకిదె వందనం !
జై సాయి మాస్టర్ !
[/13size][/13size]

1988
Request for prayers / Re: jai sai master!srigurugeeta
« on: November 24, 2012, 08:50:20 AM »
జై సాయి మాస్టర్ !
గురు కుటుంబానికి గురు బంధవుల నమస్కారములు !
అలివేలు మంగ పతి నీకిదె వందనం !

శ్రీ గురు గీత :

శ్లో || 21 .శోషణం భవ సింధోశ్చ  దీపనం క్షర  సంపదాం |
            గురో: పాదోదకం యస్య తస్మైశ్రీ గురవేనమః ||

శ్రీ విష్ణు సహస్ర నామ స్తోత్రం -భాష్యము

శ్లో || త్రిసామా సామగస్సామ  నిర్వాణం భేషజం భిషక్
      సన్యాసకృత్  శమః  శాంతో నిష్టా శాంతి: పరాయణం ||

574 .త్రిసామా
చతుర్వేదములలో  సామవేదం ఒకటి ,అందులోని బృహత్సామల ,రధంతర  సామం ,వామదేవ్య సామం  అను మూడు సామములందు  ఉన్నవాడు ,ఆ మూడింటిచే స్తోత్రింప బడువాడు .

575 .సామగః
పై మూడు సామములచే  గానము  నందు సేవింప బడువాడు .

576 .సామ
 వేదముల నందు సామవేద  స్వరూపుడైన  పరమేశ్వరుడు మూడు సామములచే భక్తీ శ్రద్ధలతో  తనను ఆరాధించు  వారి సకల పాపములను  నశింప చేయువాడు .

577 .నిర్వాణం
భవ బంధాలను  తొలగించుకుంటేనే  మోక్షం ,ఆ మోక్షమునకు  కర్మ శేషం  ఉండరాదు ,తనను  మూడు  సాములచే  ఆరాధించిన  వారి పాపములను  నశింప చేసి కర్మ క్షయం  చేసి మోక్షమునుప్రసాదించువాడు .

578 .భేషజం
సంసారమను  భవ రోగములకు పరమ ఔషధము వంటివాడు .

579 .భిషక్
భవరోగమును ఎరిగినవాడు ,వాణి యొక్క మూలమైన మాయా తత్వమును ఎరిగినవాడు .మూలమును హరించి వేయు ఔషధము అయినటువంటి వాడు .

580 .సన్యాసకృత్
విషయ వాంఛల  నందు  ఆశక్తి నశించి దైవ చింతనందు  కాలమును  గడుపువాడు  సన్యాసి బ్రహ్మచర్యం ,గృహస్దు ధర్మం ,వానప్రస్ధం ,సన్యాసం అను ధర్మములున్నాయి ,వీటిని అనుసరించిన వాడే మోక్షమును  పొందుతాడు ,పరమాత్ముడు  విషయ వాంఛ లనందు  ఆసక్తిని  నశింప చేసి వైరాగ్యమును  కల్గించి  దాని ద్వారా సన్యాసత్వం  స్వీకరించునట్లు  చేసి మోక్ష మార్గం  చూపుతాడు ,కనుక సన్యాస కృత్  అనబడుచున్నాడు .

581 .శమః
ఇంద్రియ వృత్తులను అదుపాజ్ఞల నందు ఉంచుకుని  వాటిని నియంత్రిచ గల శక్తి  సామర్ధ్యములనుకలవారే  కామ క్రోధములను  జయించ గలుగుతారు ,అలా వాటిని జయించిన వారే మోక్షమునకు  అర్హుడౌతాడు .

శ్రీ వేమన పద్య సారామృతము

శ్లో ||చచ్చె  చచ్చె  ననుచు చావుకు వగచెడు
దీన నరుల వెర్రి దెలుపరాదు
ప్రాణమునకు మృత్యు బంధంబు  లుండునా ?
విశ్వదాభిరామ వినుర వేమ !

తా :-అజ్ఞానులైనవారు  చచ్చిపోయిన వాళ్ళను గురించి "చచ్చె " చచ్చె అంటూ దుఃఖిస్తూంటారు ,వాళ్ళ వెర్రి చాలా  హాస్యాస్పదమైనది .ప్రాణానికి మరణానికి  సంబంధం లేదని వారికి తెలియదు .

అలివేలు మంగ పతి నీకిదె వందనం !
జై సాయి మాస్టర్ !

 
   
[/13size]

1989
Request for prayers / Re: jai sai master!srigurugeeta
« on: November 23, 2012, 08:44:39 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె వందనం !

శ్రీ గురుగీత :
శ్లో ||20 .అనేక జన్మ సంప్రాప్త  కర్మ బంధ విదాహినే |
           జ్ఞానానల ప్రభావేన తస్మైశ్రీ గురవేనమః ||

శ్రీ విష్ణు సహస్ర నామస్తోత్రం -భాష్యము

572 .సర్వ ద్రుగ్వ్యాసః
అన్ని జ్ఞానములను లోక మందు విస్తరింప చేసినవాడు .పరమాత్ముడు  అవతారపురుషుడై  జన్మించి   లోక మందు విస్తరింప చేసాడు .
బ్రహ్మ ముఖము నుండి వేదములు పుట్టినాయి .
బ్రహ్మ వలన నారదుడికి ,నారదుడి వాల్ల  వ్యాస మహర్షికి తెలుపుట  జరిగినది .
వ్యాసమహర్షి  కారణ జన్ములు , వేదం విభజన కోసము శ్రీ మహా విష్ణువు అంశ చేత  అవతరించినవాడు .
పరాశర మహర్షికి ...దశరధుని పుత్రిక అయిన మత్స్యగంధికి  అయోనిజుడుగా  జన్మించాడు .ఒక్కటిగా  ఉన్న వేదములను నాలుగు వేదములుగా  విభజించాడు .వాటిలో శాఖలను ఏర్పరిచాడు .
1 )ఋగ్వేదము -------------21 శాఖలు

2 )యజుర్వేదము -----------109 శాఖలు

3 )సామవేదము --------------100 శాఖలు

4 )అధర్వణ వేదము ------------50 శాఖలు

యజుర్వేదమును  రెండు భాగములుగా చేసి శుక్ల యజుర్వేదమును  15 శాఖలుగా,  కృష్ణ యజుర్వేదమును 94 శాఖలుగా ఏర్పరిచాడు .

1 )ఋగ్వేదము :ఋక్కు  అనగా మంత్రము ,ఛందో బద్దమైన మంత్రములు ,వాటి రహస్యములు  ఈ వేదము నందు   నిక్షిప్తం  చేయబడ్డాయి .

యజ్ఞ యాగాల సమయం లో హాత (ఋత్వికులు )ఈ వేదము లందు కల మంత్రములను  పఠించి  దేవతలను  యజ్ఞ స్ధలములకు  ఆహ్వానిస్తారు .

ఉపవాసములు :1 )ఆయుర్వేదం  2 )గాంధర్వ వేదం 3 )ధనుర్వేదం  4 )అర్ధ వేదం ఇందులో తెలపబడినాయి .
పాశ్చ్యాత్తల  ఆవిష్కరణలుగా  ప్రచారంలో  ఉన్న దూరతంత్రి  (టెలిపోన్ )వంటి కొన్ని ఆధునిక  ఆవిష్కరణల  గురించి ఈ వేదంలో  సంపూర్ణంగా  వివరించబడ్డాయి .

2 )యజుర్వేదం :ఈ వేదంలో యజ్ఞ యాగాదులలో  నిర్వర్తింప వలసిన విధులు స్దుతులు ,ప్రార్ధనలు ,మంత్రాలు ఉన్నాయి ,ఋగ్వేదంలో  కొన్ని మంత్రాలు ఈ వేదంలో కూడా గోచరిస్తాయి .

కృష్ణ యజుర్వేదం :ఈ వేదంలో ఏడు  ఖండాలు (కాండములు ) 44 ప్రశ్నలు (ప్రసాదములు ) షుమారు 2200 ఖండికలు  6516 అనువారములున్నాయి .ఖండిక అనగా పనస ఒక్కొక్క దాని నందు  యాభై పదాల వరకు  ఉంటాయి .

శుక్ల యజుర్వేదం :ఈ వేదంలో 4 అధ్యాయాలున్నాయి ,షుమారు  2000 ఖండికలు ,300 అనువాకములున్నాయి .

3 )సామవేదము :సామం అనగా గానం ఈ వేదము నందు దేవతలను గానంతో స్దుతింపటం  బోధిస్తుంది .
  సోమయాగం నందు ఉద్గాత అనే ఋత్వికుడు సామవేదం గానం  చేసి సోముడిని ప్రార్ధిస్తాడు .
  ఈ వేదంలో ఇంద్రుడిని ,అగ్నిని ,ఉద్దేశించిన  మంత్రాలు కూడా కలవు ,ఈ వేదంలో 1000 కి పైగా శాఖలున్నప్పటికి ప్రస్తుతం  1550 వరకు మంత్రాలున్న ఒక్క శాఖ మాత్రమె  లభ్యమవుతున్నది .ఈ వేదంలో 80 వరకు మంత్రాలు తప్ప మిగిలిన మంత్రాలు ఋగ్వేదంలో   కూడా కన్పిస్తాయి .
 
4 )అధర్వణ వాదం :50 శాఖలతో ఈ వేదం  కలదు .

వ్యాస మహర్షికి నలుగురు శిష్య పరమాణువులు
1 )పైలుడు ---ఇతడికి ఋగ్వేదమును బోధించాడు .
2 )వైశంపాయనుడు ---ఇతడికి యజుర్వేదమును బోధించాడు .
3 )జైమిని --ఇతడికి సామవేదమును బోధించాడు .
4 )సుమంతుడు --ఇతడికి అధర్వణ వేదమును బోధించాడు .

వీరంతా గురు శిష్యుల పరంపర  చేత ఆ వేదములను వృద్ధిలోకి  తెచ్చుట చేత వాటికి ముందు చెప్పబడినట్లు   శాఖలు ఏర్పడినాయి .

573 వాచస్పతి రయోనిజః
వాచస్పతి అనగా వాక్కునకు అధిపతి రయోనిజ అనగా అయోనిజుడు  వేదములను  నాలుగుగా ఒక్కొక్కదాని యందు శాఖలుగా విభజించిన   వేదవ్యాసుడు  అయోనిజుడు , పరాశర మహర్షి దశరధుని  పుత్రికయిన  మత్స గంధిలకు  అయోనిజుడుగా జన్మించాడు .

శ్రీ వేమన పద్య సారామృతము

శ్లో ||భయము సుమీ యజ్ఞానము
భయ ముడిగిన నిశ్చయంబు పరమర్ధంబౌ
లయము సుమీ ఈ దేహము
జయము సుమీ జీవుడనుచు  జాటర  వేమ !

తా :- అజ్ఞానం భయంకరమైనది ,అటువంటి భయం పొతే అప్పుడు నిశ్చయంగా పరమార్ధం  గోచరిస్తుంది  ,అప్పుడు  దేహం  నాశనం అవుతుంది .అప్పుడే  సంసార  సాగరంలోంచి  బయట పడ్డ జీవి జయం పొందుతాడు .

అలివేలు మంగ పతి నీకిదె వందనం !
జై సాయి మాస్టర్ !
[/13size]

1990
Request for prayers / Re: jai sai master!srigurugeeta
« on: November 22, 2012, 08:34:17 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె వందనం !

శ్రీ గురు గీత :

శ్లో ||19 .యస్య జ్ఞాన మిదం విశ్వం సదృశ్యం  భేదతః |
           సదైక రూప రూపాయ తస్మైశ్రీ గురవేనమః ||

శ్రీ విష్ణు సహస్ర నామ స్తోత్రం -భాష్యము

శ్లో ||సుధన్వా ఖండ పరశు ర్దారుణో  ద్రవిణ ప్రదః
     దివి స్ప్రుక్సర్వ దృక్  వ్యాసో వాచస్పతి రయోనిజః ||

567 .సుధన్వా
సు అనగా మంగళ ప్రదమైనది ,శుభములను ఇచ్చునటువంటి  ధనస్సును  ధరించి ఉన్నాడు ,పరమాత్ముడు  లోకకల్యాణం కొరకు దుష్టుల పై శరం పరం పరలు విడువ గల ధనస్సును ధరించి ఉన్నాడు .
 శ్రీ మహా విష్ణువు  యొక్క ధనుస్సు  పేరు శార్గము ఈ ధనస్సుతో  మహా విష్ణువు  అనేక  మంది రాక్షసులను  సంహరించాడు .

568 .ఖండపరశు:
 శత్రువులను ఖండిచుట పరమాత్ముడు  గొడ్డలిని ధరించి ఉన్నాడు ,పరశురామ అవతార మందు శ్రీ మహా విష్ణువు గొడ్డలినే  ఆయుధంగా చేసుకుని క్షత్రియులతో  యుద్ధములు  చేసి  వారిని సంహరించాడు .కనుక ఖండపరశు: అనబడుచున్నాడు .

569 .దారుణః
శ్రీ మహా విష్ణువు దుష్టులను శిక్షించుట యందు దయ ,కరుణ లేనటువంటి దారుణ మైన  భయంకరుడు .

570 .ద్రవిణప్రదః
ఇహము నందు సుఖములను ఇచ్చునది ధనము ,ఆ ధనము అశాశ్వతము ,పరమునందు సుఖములిచ్చునది  శాస్త్రము  ,అది శాశ్వతము కనుక శాశ్వత సుఖమును పొందు మార్గమైన శాస్త్రముల  నిచ్చినవాడు .

571 .దివస్ప్రుక్
అపారమైనటువంటి  ఐశ్వర్యములు కలిగి తరగని నిధి వంటి వాడు పరమేశ్వరుడు ,అతడే జ్ఞానము ,అతడే  ధర్మము ,అతడు  అనంతుడు .తనయందలి రహస్యములను  విశిష్టతలను  వేదం పురాణ ,శాస్త్రములచే   ఉపదేశించినవాడు .

శ్రీ వేమన పద్య సారామృతము

శ్లో ||జీవిలోన నుండు స్దిరమును గానక
      తిరుగు నస్ధిరంబు వరుస నమ్మి
      స్ధిరము నస్ధిరమును దెలియ జీవికి ముక్తి
      విశ్వదాభిరామ వినుర వేమ !

తా :-జీవిలో ఉండే స్దిరమును (బ్రహ్మమును ) తెలుసుకోలేక లేనిదాన్ని చూసి నమ్ముతాడు ,అస్దిరాన్నుంచి  తెలుసుకున్న వాడికే ముక్తి కలుగుతుంది .

అలివేలు మంగ పతి నీకిదె వందనం !
జై సాయి మాస్టర్!

[/13size]

1991
Request for prayers / Re: jai sai master!srigurugeeta
« on: November 21, 2012, 08:40:05 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె వందనం !

శ్రీ గురుగీత :

శ్లో || 18 ఏ నేదం దర్శితం తత్త్వం చిత్త చైత్యాదికం తదా |
           జాగ్రత్స్వప్న సుషుప్త్యాది తస్మైశ్రీ గురవేనమః ||

శ్రీ విష్ణు సహస్ర నామ స్తోత్రం -భాష్యము

562 .హలాయుధః
నాగలిని ఆయుధముగా ధరించినవాడు  బలరాముడు ,శ్రీ మహా విష్ణువు  ద్వాపర యుగ మందు కృష్ణునిగా  జన్మించినపుడు  ఆది శేషుడు  బలరాముడుగా జన్మించాడు .
 సకలము శ్రీ మహా విష్ణువు  విభూతులే  కనుక అతడే  ఆది శేషుడు ;అతడే బలరాముడు .

563 .ఆదిత్యః
కశ్యపుని --అదితికి శ్రీ మహా విష్ణువు   ఇంద్రుని తరువాత వామనుడిగా  జన్మించాడు ,బలిని  మూడడుగుల నేలను కోరి అతనిని పాతాళమునకు  త్రొక్కి లోక కల్యాణం కావించాడు ,అదితికి  పుత్రుడు కనుక  ఆదిత్యుడు  అయినాడు .
సూర్యుడు  పరబ్రహ్మ  యొక్క విభూతి  కనుక ఆదిత్యుడనబడుచున్నాడు .

564 .జ్యోతిరాదిత్యః
సూర్యమండలము నందు  జ్యోతి స్వరూపుడై ప్రకాశించుచున్నటి ఆదిత్య(సూర్యుడు ) స్వరూపుడు
పరమాత్ముడు  స్వయం ప్రకాశి అతడి తేజస్సుకు వేరే ఆధారము  ఏదీ లేదు ,కనుక అతనిచే  ప్రకాశింప బడు  సూర్య చంద్రులు  అగ్ని వంటివి  అతని విభూతులే .

565 .సహిష్ణు:
దేవ ,నర, అసుర ,సకల జీవుల పాపములను మహా ప్రళయం వరకు సహించు వాడు .

566 .గతిసత్తమః
పరమేశ్వరుడు లోక రక్షకుడు ,సర్వ కాల సర్వావస్దల యందు  నీవే గతి అని ఆశ్రయింప తగినవాడు .తనని ఆశ్రయించిన వారికి వ్యర్ధము కానటువంటి  అభయము  ప్రసాదించువాడు .

శ్రీ వేమన పద్య సారామృతము

లోకములకు గురువు లోకులకును గురువు
ఆదియు దెలసి మోక్ష మండరోరి
గురిని గనక కూపమాయు బొందిరి
విశ్వదాభిరామ వినుర వేమ !

తా :-"గు "అనగా చీకటి ,"రు " అనగా  దానిని పారద్రోలడం ,రెండు కలిపితే గురువు ,లోకాలన్నింటికీ  గురువు ,లోకులందరికీ గురువు ,ఆయన జ్ఞానదాత మహేశ్వరుడు ,గురువుని ఆరాధించి మోక్షం పొందండి .ప్రజలారా గురువుని  ఆరాధించక  తప్పుడు దోవలు తొక్కి నరకాల పాలవుతుంటారు  మానవాధములు ,ప్రజలారా అట్లు కాకండి .

అలివేలు మంగ పతి నీకిదె వందనం !
జై సాయి మాస్టర్ !
[/13size]

1992
Request for prayers / Re: jai sai master!srigurugeeta
« on: November 20, 2012, 07:56:10 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె వందనం !

శ్రీ గురు గీత :

శ్లో ||17 .యస్మిన్ స్ధిత మిదం విశ్వం సదృశ్యం  భిన్న భేదతః |
            సదైక రూపరూపాయ తస్మైశ్రీ గురవేనమః ||

శ్రీ విష్ణు సహస్ర నామ స్తోత్రం -భాష్యము

శ్లో ||భగవాన్ భగహా ఆనందీ వనమాలీ హలాయుధః
     ఆదిత్యో జ్యోతిరాదిత్య స్సహిష్ణు ర్గతి సత్తమః ||

558 .భగవాన్
సృష్టి ...స్ధితి  సంహారం చేయు పరమేశ్వరుడు ఉత్పత్తి ,ప్రళయం ,సృష్టి ...సంహారం ..జ్ఞానము ...అజ్ఞానమును తానె సృష్టించుచున్నాడు .అటువంటివాడు  నిత్య తృప్తుడు ,సకల జ్ఞానము లెరిగినవాడు ,స్వతంత్రుడు  ఆది మధ్యాంతర  రహితుడు ,జనన మరణా దులు లేనివాడు ,అనంతుడు మహాబల పరాక్రమవంతుడు ,ఇత్యాది విశిష్ట లక్షణ ములు కలిగి ఉండుట చేత అతడే పూజింప తగినవాడు .
 పరమాత్ముడిని సేవించటము భాగ్యములందు  మహా భాగ్యం ఆభాగ్యం పొందిన వాడికి సకల శుభములు కులుగుతాయి .

559 .భగహా
భగము అనగా ఆరుగుణములు :1 )పరిపూర్ణము  2 )సంపద  3 )కీర్తి 4 )జ్ఞానము  5 )వీర్యము  6 )వైరాగ్యము .ఈ ఆరు గుణములను ప్రళయ కాల మందు హరింప చేయువాడు ,కనుక భగహా  అనబడుచున్నాడు .

560 .ఆనందీ
నిత్యానంద స్వరూపుడైన  పరమేశ్వరుడు  తనను ఆశ్రయించిన వారిని సకల కర్మల నుండి రక్షించి కర్మ క్షయం  చేసి ఆనందింప చేయువాడు .
తనను ఆరాధించుట చేత సకల భయములను  నశింప చేసి సుఖ శాంతులు ప్రసాదించి  ఆనందింప చేయువాడు .

561 .వనమాలీ
శ్రీ మహా విష్ణువు కంఠమును అలంకరించబడి  ఉండు మాలను వనమాల అంటారు .

శ్రీ వేమన పద్య సారామృతము

గురుడనగా  పరమాత్ముడు
పరగంగా శిష్యుడనంగ  పటు జీవుడగున్ ;
గురు శిష్య జీవ సంపద
గురు తరముగ గూర్చు నతడు గురువగు వేమ !

తా :- గురువే పరమాత్మ ,శిష్యుడు జీవి ,ఈ గురు శిష్య సంబంధమే జీవాత్మ పరమాత్మ ఐక్యం ,అదే మోక్షం ,అది పొందడానికి  గురువుని ఆశ్రయించాలి .

అలివేలు మంగ పతి నీకిదె వందనం !
జై సాయి మాస్టర్ !
[/13size]

1993
Request for prayers / Re: jai sai master!srigurugeeta
« on: November 19, 2012, 07:58:53 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె  వందనం !

శ్రీ గురు గీత :

శ్లో ||16 .యత్సత్వేన జగత్సత్యం యత్ప్రకాశేన భాతియత్ |
          యదానందేన  నందంతి  తస్మైశ్రీ గురవేనమః ||

శ్రీ విష్ణు సహస్ర నామ స్తోత్రం -భాష్యము

553 ;వరుణః
సమస్త జగత్తు నందు ప్రకాశించువాడు .మహాప్రళయము  నందు  తన ప్రకాశమును ఉపసంహరించు కొనుచూ  తన యందు  లయం చేసుకొనువాడు .

554 .వారుణః
వరించు గల వారికి వరములను ప్రసాదించువాడు .ఎవరైతే తన యందు భక్తి శ్రద్ధలతో  ఉంటాడో  వారి నందే  పరమాత్ముడు  శ్రద్ధ ,ప్రేమ కలిగి ఉంటాడు .

555 .వృక్షః
వృక్షము వలె  శాఖోప శాఖలుగా  విస్తరించి  ఉన్నాడు పరమేశ్వరుడు ,అతడిని ఆశ్రయించుకునే సమస్త  భూతములు  మనగలుగుచున్నాయి .అందుచే అతడు వృక్షము  అనబడుచున్నాడు .

556 .పుష్కరాక్షః
 తన భక్తుల యందు కృపా కటాక్షములను  పోషించు  దృష్టికి  కలుగ జేయు నేత్రములను  కలిగి ఉన్నాడు .

557 .మహామనాః
పరమాత్ముడు  నిర్మలమయిన హృదయం కల సమస్త  జీవుల హృదయములు  తనవిగా  కలవాడు .
 తన సంకల్ప బలము చేత లోక కళ్యామునకు  చేయు సకల కార్యములు  మనస్సుతోనే  జయం అగునట్లు  చేయు వాడు కనుక మహా హృదయు డనబడు చున్నాడు .

శ్రీ వేమన పద్య సారామృతము

 గురు శిష్యులనుగ కొమ్మలు
గురువును గానంగ వేరు గురువరుడెంతో
పరముడంచి  యుండు నిత్యము
ధరలోపల మనుజులెల్ల తలపరు  వేమ !

తా :- వృక్షానికి ప్రధానమైనది  మొదలు ,దాని నాధారంగా చేసుకుని ఎన్నో కొమ్మలు పెరుగుతాయి .ఎంత శాఖోప శాఖలుగా పెరిగినా  చెట్టుకి  మొదలెలా  ప్రధానం అవుతుందో  అలాగే శిష్యులందరికీ  గురువు ప్రధానుడు ,సదుపదేశం  కోసం గురువుని  ఆశ్రయించాలి .

అలివేలు మంగ పతి నీకిదె వందనం !
జై సాయి మాస్టర్!
[/13size]

1994
Request for prayers / Re: jai sai master!srigurugeeta
« on: November 18, 2012, 08:18:02 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి నీకిదె వందనం !

శ్రీ గురు గీత :

శ్లో ||15 .సపితా సచమే మాతాసబంధు స్సచ దేవతా |
           సంసార మోహ నాశాయ  తస్మైశ్రీ గురవేనమః ||

శ్రీ విష్ణు సహస్ర నామ స్తోత్రం -భాష్యము
శ్లో || వేదాః  స్వాంగో  జిత కృష్ణో సంకర్షణో  అచ్యుతః
వరుణో  వారుణో  వృక్షః పుష్కరాక్షో  మహామనాః ||

547 .వేదాః

సృష్టిని ప్రకాశింప చేయువాడు ,సకల జగత్తుకు  తానె  సాధనముగా  మూలముగా ఉన్నటు వంటి వాడు .

548 .స్వాంగః
సుందరమైన అంగములతో కూడిన  దివ్య మంగళ స్వరూపుడు  అయిన శ్రీ మహా  విష్ణువే  స్వాంగ అనబడుచున్నాడు .
 సకల లోకములకు రక్షకుడు ,ప్రభవు  అయిన పరమేశ్వరుడు  చత్ర చామరములు  ధరించి  వెలుగొందు  దివ్య సుందరుడు .

549 .అజితః
వీరుడు ,ధీరుడు అయిన పరమేశ్వరుడిని  మించిన శక్తి ఏదీ లేదు ,అతడు ఏ అవతారము నందు  ఉన్నా ,ఎవ్వరిచేత  ఓటమిలేనివాడు ,కనుక అజితుడన బడుచున్నాడు .

550 .కృష్ణః
 శ్రీ కృష్ణ పరమాత్మ స్వరూపుడు ,పరమాత్ముడు  అనంతమైనవాడు ,అనంతమైన  వస్తువు ఏదైన   నీలి వర్ణం (కృష్ణ వర్ణం ) నందు కనిపిసుంది ,నిజానికి ఆకాశానికి  ఏ  రంగు లేదు ,అనంతమైన  పరమాత్ముడు  కూడా నీల  మేఘ  వర్ణము కలవాడు .

551 .దృఢ:
పరమాత్ముడు  స్దిరమైనవాడు ,ఆది అంతములు లేనివాడు ,తను నుండి  కోల్పోయినది  ,తను పొందినది  ఏదీ లేనివాడు ,అతడు నిత్య సంతోషి ,బ్రహ్మానంద  స్వరూపుడు ,పరమాత్ముడు  సృష్టి పూర్వము ఎలా ఉన్నా సృష్టి స్ధితి లయల తరువాత అలాగే స్ధిరంగా  ఉండుట చేత దృఢ  అనబడుచున్నాడు .


552 .సంకర్షణో  అచ్యుతః
సంకర్షణక  అంటే జీవులను తన దగ్గరకు ఆకర్షించువాడు ,వాసుదేవుని  వ్యూహముల నందు  ఒకఅంశ  మహా ప్రళయము  నందు  జీవులను తను దగ్గరకు ఆకర్షించి  లయం చేసుకొనువాడు ,కనుక సంకర్షకుడు ,అచ్యుత  అనగా ఎప్పుడు తన స్ధితి నుండి ఏ విధమైన మార్పును పొందనివాడు .

శ్రీ వేమన పద్య సారామృతము

మనసు బూని గెల్చి మనసులో సుఖి యించి
కడకు మోక్ష పదము గనును వాడు
చెట్టు బెట్టు ఫలము చేకూర  కుండునా ?
విశ్వదాభిరామ వినుర వేమ !

తా :-సాధన చేస్తూంటే  మనస్సులో సుఖం  లభిస్తుంది ,చివరికి ఆ మోక్ష పదాన్ని కూడా పొందుతారు ,ఓ చెట్టును పెంచితే అది మెల్లిగా పెరిగి  ఫలాన్ని ఈయకుండా  ఉండదు కదా !

అలివేలు మంగ పతి నీకిదె వందనం !
జై సాయి మాస్టర్!
[/13size]

1995
Request for prayers / Re: jai sai master!srigurugeeta
« on: November 17, 2012, 08:01:36 AM »
జై సాయి మాస్టర్ !
గురు కుటుంబానికి గురు బంధువుల నమస్కారములు !
అలివేలు మంగ పతి  నీకిదె వందనం !

శ్రీ గురు గీత :

శ్లో ||14 .చిన్మయ వ్యాపితం సర్వం త్రైలోక్యం  చరాచరం |
           అసిత్వం  దర్శతంయేన  తస్మైశ్రీ గురవేనమః ||

శ్రీ విష్ణు సహస్ర నామ స్తోత్రం -భాష్యము

544 .గహనః
పరమేశ్వరుడు  నిశ్చల స్ధితి స్వరూపుడు ,ఏ  విధములైనటువంటి  మాలిన్యములు  లేనటువంటి వాడు , త్రికాలముల  నందు ఏదీ పోగొట్టుకొనడు ,పొందడు ,పరమేశ్వరుడి  యందు లోకపాలకుడైన   ఇంద్ర గణములు  సైతము  చేర బడుటకు  సాధ్యము కాదు ,పరమేశ్వరుడు  నిరాకారుడు ,పరిమాణ  రహితుడు ,చిద్ర (రంధ్రం )రహితుడు ,అటువంటి పరమాత్ముడి  యందు  చేరబడుట   ఏవరికి  సాధ్యముకాదు .

545 .గుప్తః
పరమేశ్వరుని స్వరూపం  ఇది అని నిర్ధారించుట  అసాధ్యము ,నిరాకారుడు ,నిరంజనుడు  , నిర్గుణ సంపన్నుడు  అయినటువంటి  పరమేశ్వరుడి  రూపు రేఖలను  నిర్ధారించి చెప్పుట  అసాధ్యము , పరమాత్ముడు  భావన  చేత అనుభవింప  తగినవాడు  వేద  ఉపనిషత్తుల సారాంశము చేత  గురు శిష్యుల  పరంపర చేత  చెప్పుచున్న టువంటి వాడు ,వాసాత్మక  జగత్తు నందు  నామాత్మక  జగత్తు నందు  ఆ పరమేశ్వరుని  స్వరూప  వర్ణనలు  భక్తులకై  కల్పింప బడిన  అసత్యములు ,సత్యము ,నిత్యము  అయినటువంటి  పరమాత్మ  స్వరూపము  నిగూఢ మైనది ,గుప్త మైనది .

546 .చక్ర గదాధరః
లోక రక్షణార్ధము  పరమాత్ముడు  చక్రమును ,గదను ఆయుధంగా  ధరించాడు ,చక్రము  మనస్తత్యాకమునకు  సూచికగా  గదను  బుద్ధి  తత్వాకమునకు  ప్రతీకగా  శ్రీ మన్నారాయణుడు  ధరించి  ఉన్నాడు ,నిశ్చలమైన  మనస్సు ...స్ధిరమైన బుద్దితో  ఆ శ్రిమనారాయణుడిని  ఆరాధన ...శ్రవణం ...పఠనంల  ద్వారా  సేవించు  వారికి  సకల జనులకు  శంఖ  చక్ర గధా ధరుడైన  శ్రీ మహా  విష్ణువు  దర్శనం  లభిస్తుంది .

శ్రీ వేమన పద్య సారామృతము

ఊరకుంట దెలియ నుత్తమ యోగంబు
మానసంబు కలిమి మధ్యమంబు
నాసనాది విదులు నధమ యోగంబురా ,
విశ్వదాభిరామవినుర వేమ !

తా :-వేటినీ పట్టించుకోకుండా ఉండడం ,నిజంగా ఉత్తమయోగం ,మానసికంగా  తెలుసుకొని  ఉండడం  మధ్యమ యోగము ,అన్ని విషయాలూ తెలుసుకోడం  అన్నది అధమయోగం .

అలివేలు మంగ పతి నీకిదె వందనం !
జై సాయి మాస్టర్ !
[/13size]

Pages: 1 ... 131 132 [133] 134 135 ... 157